Brókarlaus helgi

er það kallað á mínu heimili þegar börnin eru að heiman og hjónin ein í kotinu  Veit ekki hversu mikið "brókarlaus" þessi helgi er búin að vera  En ég er að mestu búin að vera "home alone"  Unglingurinn og tengdadóttir fóru norður svo austur á MÍNUM bíl með kerrukotið í eftirdragi og gulldrengurinn fór vestur og verður fram á þriðjudag að tína ber og veiða í soðið  vonandi.

Rafvrikinn er búin að vera mjög natin að sinna "viðhaldinu" en sá sér fært um að fara með sína heitkonu á drossíu unglingsins á menningarnótt í gærkveldi  Við höfðum einmitt orð á því að í allri mannmergðinni hittum við bara fólk sem við umgöngumst dags daglega og ekki að það sé neitt slæmt nei af og frá  áttum mjög góða stund á Klambratúni með þeim.

En við gátum nú eytt smá tíma í að karpa um nafnið á túninu svo úr varð að ég fór á Klambratún en rafvirkinn á Miklatún 

En í kvöld "slasaði" rafvirkinn sig  Hann fór upp á loft og rak hausinnn í nagla  og hér var allt eins og í versta sláturhúsi  Svo ég segi honum að drífa sig til læknis það þurfi örugglega að sauma  hann þrjóskaðist við en lét svo til leiðast ef hann færi einn  Já hann gat alveg farið einn mín vegna 

Eftir tuttugu mínútur kom hann heim (jafn langur tími og tekur að keyra á milli Selfoss og Hveragerðis fram og til baka) og ég voða hissa  Bara kominn !!!!

Nei hann hefði getað sparað bensínið því þetta var víst bara SMÁSKRÁMA  og nú liggur hann í þunglyndi yfir því að hafa farið til læknis út af SMÁSKRÁMU.........

 

Athugasemdir

[Jón Svavarsson, 21.8.2007 kl. 00:58]

Skemmtileg frásögn og gott að það var bara skráma það hefði getað farið verr, en svo vona ég að hann sé í hæfilegu stuði. Kær kveðja

[Hulda Bergrós Stefánsdóttir, 21.8.2007 kl. 13:46]

Skal segja þér Jón að rafvrikinn minn er alltaf í stuði ... en þegar kemur að læknaheimsóknum hjá honum eru það yfirleitt bráðtilfelli því að öllu jöfnu fer hann ekki til laæknis !!!

Takk

[Hulda Bergrós Stefánsdóttir, 21.8.2007 kl. 13:47]

Átti reyndar að vera takk fyrir að gerast bloggvinur minn þó ég viti ekki nokkur deili á þér !!!!