Ert þú 40+



 
Hér er saga einnar sem er nýlega orðin 40 ára:

Þegar ég var 16, vonaðist ég til að einhvern daginn myndi ég eignast kærasta. Þegar ég var orðin 18 eignaðist ég kærasta, en það var engin ástríða. Svo ég ákvað að finna mér ástríðufullan náunga með tilfinningu fyrir lífinu og tilverunni. Á háskólaárunum var ég með ástríðufullum strák, en hann var of tilfinningasamur. Allt var neyðarástand í hans augum. Hann grét og hótaði að drepa sig. Ég fann fljótlega að mig vantaði mann sem væri traustur og jarðbundinn. Loks, þegar ég var orðin 25 hitti ég mjög jarðbundinn mann, en hann var leiðinlegur. Hann var algjörlega útreiknanlegur og varð aldrei spenntur yfir einu eða neinu. Lífið varð svo leiðinlegt að ég ákvað að reyna að finna mér mann sem að væri spennandi. Þegar ég var 28 fann ég mjög spennandi gaur, en ég gat engan veginn haldið í við hann. Hann rauk úr einu í annað og gat aldrei verið lengi á sama stað eða verið lengi með sömu áhugamálin. Hann framkvæmdi allt sem honum datt í hug, hvort sem það var hættulegt eða fífldjarft og daðraði við allt sem hreyfðist. Hann var skemmtilegur en áttavilltur. Þannig að ég ákvað að reyna að finna mann með metnað. Þegar ég var orðin 31 fann ég loksins gáfaðan mann  með metnað. Hann var með fæturna á jörðinni og við giftum okkur. Hann var svo metnaðarfullur að hann skildi við mig, hirti allt sem ég átti og stakk af með bestu vinkonu minni. Núna er ég 43 og er að leita að kalli með stórt typpi. 

« Síðasta færsla | Næsta færsla »

Athugasemdir

1 Smámynd: Sigurður Hreiðar

Já, skítt með allt hitt! En nú er auglýst reglulega í Fréttablaðinu eitthvert töfralyf til að stækka það sem á skortir í þessum efnum! Bara með því að gleypa eitthvað.

Sigurður Hreiðar, 28.5.2008 kl. 11:16

2 Smámynd: Soffía Valdimarsdóttir

Hverju ætli þeir leiti að?

Soffía Valdimarsdóttir, 28.5.2008 kl. 19:50

3 Smámynd: Hulda Bergrós Stefánsdóttir

mér er spurn, eruð þið með svar við því strákar?

Hulda Bergrós Stefánsdóttir, 28.5.2008 kl. 21:18

4 Smámynd: Heimir Eyvindarson

Við erum ekkert að leita, nema þú þekkir einhverja sem fílar að fá sér bjór og horfa á fótbolta.

Heimir Eyvindarson, 28.5.2008 kl. 22:01

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband