Blóm í bæ

Tekið af síðu Hveragerðisbæjar:

Þáttaka Hvergerðinga í sýningunni Blóm í bæ helgina 26. - 28. júní.

Kæru vinir !

Eins og allir ættu að vita stendur nú fyrir dyrum garðyrkju- og blómasýningin "Blóm í bæ" sem hefst hér í Hveragerði á föstudaginn.
Unnið hefur verið að undirbúningi sýningarinnar sleitulaust undanfarna daga en betur má ef duga skal.
Því vil ég nú biðla til allra Hvergerðinga um að taka virkan þátt í sýningunni og undirbúningi hennar.
Það er hægt að gera með ýmsum hætti:

1) Skila inn sólblóminu sem allir hafa annast af kostgæfni undanfarna mánuði. Verðlaun verða veitt fyrir hina ýmsu flokka stærsta, minnsta, furðulegasta ofl.
Skil eru annað kvöld, fimmtudag í íþróttahúsinu.
Muna að merkja blómið og ekki er verra að skreyta pottana til auka sigurlíkurnar.

2) Skreyta með frumlegum hætti innkeyrslur og hús, setja má blóm í stígvél, hjólbörurnar, mjólkurbrúsa, ekkert setur manni skorður nema hugmyndaflugið og nú gildir að hugsa út fyrir rammann :-)
Muna að veitt verða verðlaun fyrir hugmyndaauðgi þó heiðurinn einn og sér ætti að vera nægilegur flestum.

3) Þeir sem áhuga hafa á öflugri sjálfboðavinnu í tæpa tvo tíma eru beðnir um að mæta við Álnavörubúðina kl. 17 í dag, fimmtudag.
Það væri mjög gaman að geta með samhentu átaki ráðist á illgresi og reiti sem stungið hafa í augu en vinnuskólinn mun ekki ná að sinna á þessum stutta tíma sem nú er fram að sýningu.
Mæta með þau áhöld sem við viljum nota, hrífur, klippur, rafmagnsorf ofl.

4) Formleg setning sýningarinnar er á morgun, föstudag kl. 16 á sviði við íþróttahúsið. Á undan er ráðstefna um garðrækt á Garðyrkjuskólanum sem gaman er að byrja helgina á að sækja.

5) Njóta helgarinnar og alls þess sem boðið verður uppá í Hveragerði í blíðunni sem almættið hefur lofað okkur ;-)

Athugasemdir

[Ásthildur Cesil Þórðardóttir, 26.6.2009 kl. 00:03]

Aldeilis skemmtilegt að heyra.  Vonandi verður blómlegt um að litast í Hveragerði á helginni.  Sendi ykkur hvergerðingum bestu kveðjur og óskir um skemmtilega helgi.

[Soffía Valdimarsdóttir, 26.6.2009 kl. 13:46]

Ég hefði svo gjarnan viðjað taka þátt í tiltektinni í gær en var í vinnunni. Maður kíkir á dýrðina á morgun :)

[Hulda Bergrós Stefánsdóttir, 26.6.2009 kl. 14:08]

ég líka en við vorum í borg óttans