Fyrripartur

Af því að gatan mín er ekki "skáldagata" bið ég ykkur að botna þennan fyrripart

Blómstrandi og brókarlaus

Bið ég þig að geyma

Hef ætlað að blogga alla vikuna

um:

Blómstrandi daga (allir með)

Í túninu heima (fyrir þá sem ekki komast á Blómstrandi daga)

Upphaf skóla (þar sem gulldrengurinn þarf ekki að fara með að versla skóladót því áhugi hans á skóla sé takmarkaður að eigin sögn)

Lausn á vanda miðborgarinnar (bara láta Stuðmenn spila í miðbænum að nóttu til um helgar)

Snyrtuna mína (sem er betur fer nuddari líka)

Færeyinginn (frændann sem nú dvelur á Íslandi)

MÍGRENI (fékk eitt stykki kast í gær, sem betur fer líður langt á milli þeirra hjá mér)

Slóróveirur (sem hrjáir mig í dag eftir átökin við MÍGRENIÐ)

Skáldagötur í Hveragerði (mín gata gleymdist nefnilega)

Kattarhald í 810 (á ekki kött og nenni ekki að fá þá óboðna í heimsókn)

Og svo allar flottu blogghugmyndir mínar sem ég fékk þegar langt var í tölvuna og þar með voru þær í útrýmingahættu og litu aldrei dagsins ljós!!!

 

Hefur kærleikinn kyn ???

 Frábær áletrun á borðanum !!!!!!

Brókarlaus helgi

er það kallað á mínu heimili þegar börnin eru að heiman og hjónin ein í kotinu  Veit ekki hversu mikið "brókarlaus" þessi helgi er búin að vera  En ég er að mestu búin að vera "home alone"  Unglingurinn og tengdadóttir fóru norður svo austur á MÍNUM bíl með kerrukotið í eftirdragi og gulldrengurinn fór vestur og verður fram á þriðjudag að tína ber og veiða í soðið  vonandi.

Rafvrikinn er búin að vera mjög natin að sinna "viðhaldinu" en sá sér fært um að fara með sína heitkonu á drossíu unglingsins á menningarnótt í gærkveldi  Við höfðum einmitt orð á því að í allri mannmergðinni hittum við bara fólk sem við umgöngumst dags daglega og ekki að það sé neitt slæmt nei af og frá  áttum mjög góða stund á Klambratúni með þeim.

En við gátum nú eytt smá tíma í að karpa um nafnið á túninu svo úr varð að ég fór á Klambratún en rafvirkinn á Miklatún 

En í kvöld "slasaði" rafvirkinn sig  Hann fór upp á loft og rak hausinnn í nagla  og hér var allt eins og í versta sláturhúsi  Svo ég segi honum að drífa sig til læknis það þurfi örugglega að sauma  hann þrjóskaðist við en lét svo til leiðast ef hann færi einn  Já hann gat alveg farið einn mín vegna 

Eftir tuttugu mínútur kom hann heim (jafn langur tími og tekur að keyra á milli Selfoss og Hveragerðis fram og til baka) og ég voða hissa  Bara kominn !!!!

Nei hann hefði getað sparað bensínið því þetta var víst bara SMÁSKRÁMA  og nú liggur hann í þunglyndi yfir því að hafa farið til læknis út af SMÁSKRÁMU.........

 

Fjármálamarkaðir

eru fyrir mér eins og hver annar sýndarveruleiki  Þið verðið að fyrirgefa hvað ég er græn

En að húsnæðislán í Bandaríkjunum geti haft áhrif á íslenskan fjármálamarkað, það er ég ekki með nokkru móti að skilja  

En eitt er ég að skilja þetta er eins og DOMINO ef einn kubburinn dettur þá hrynur allt heila klappið !!!!

Rómantísk lautarferð !!!!!

Við hjónin vorum á leið í stórafmæli til Bóbó bróðirs á Blönduósi (hvað eru mörg BÉ í því) á laugardag  Veðrið var með eindæmum gott hægur andvari og um 18 stiga hiti  Okkur fannst því alveg tilvalið að skella sér yfir Kjöl  Bara dóla okkur í rólegheitum með fjallhringinn í kringum okkur og alveg einstakt útsýni já og jafnvel nesti og fara í smá lautarferð

Svo ég dreif í því að hita kaffi nesta okkur jú og smá mjólkurdreitil í þessum líka patent ferðaumbúðum  Og svo var lagt í hann, Suðurlandið skartaði sínu fegursta á laugardag og við Reykholt í Bistkupstungum var 20 stiga hiti (þökk sé loftkælingunni í bílnum) fjallsýn með eindæmum  Áfram héldum við í átt að Hveravöllum og þar skyldi nestað og notið blíðunnar.

Þegar við vorum komin áleiðis norður á bóginn fór að þykkna upp og útsýnið ekki alveg eins og við reiknuðum með. Er við komum svo á Hveravelli var komin norðan blástur 7 stiga hita og örlaði á regni  Ekki fýsilegur kostur til að nesta  svo við héldum leið okkar áfram  og ákváðum að stöðva þegar hitastigið færi yfir 10 gráður

Upp við Blöndulón var hins vegar komin svarta þoka hitastigið enn 7 stig og ekkert sem togaði okkur út í móa að nesta

Rafvirkinn fékk þá snilldarhugmynd að við fengjum okkur bara smá kaffisopa í bílnum  Það kostaði að ég þurfti að TORÐA mér afturí, eins liðug og nett ég er tókst það með ágætum að koma mér að kaffinu  En ekki vildi betur til að þegar ég var á leið í framsætið að mér tókst að BRJÓTA  arminn á milli framsæta

En kaffið var kærkomið  eða þangað til að mjólkin kom út í það  hún var SÚR

En við komumst klakklaust á Blöndós og vorum í góðu yfirlæti þar enda bróðir minn og mágkona yndisleg heim að sækja og eiga ekki í vandræðum þegar kemur að veisluhöldum 

En heim fórum við eftir þjóðvegi 1 og til þess að vera örugg með notalega "lautarferð" var nestað í Hreðarvatnsskála

Það eru allir með

lág laun ..............................kennarar, leikskólakennarar, löggur, slökkviliðsmenn, sjúkraliðar, ófaglærðir, bílstjórar, aldraðir, öryrkjar, rafirkjar, smiðir, verkamenn, tæknimenn, konur í fjölmiðlum (þær eru hlunnfarnar) aðhlynning, leiðbeinendur, ræstingar, öryggisverðir, afgreiðslufólk, skrifstofufólk, leikarar, þýðendur og þulir, tæknimenn, verksmiðjufólk, fiskvinnslufólk, hjúkkur, gangaverðir, húsverðir, þroskaþjálfarar, iðjuþjálfarar,snyrtifræðingar, nuddarar, klipparar, konur, karlar, útlendingar, hommar, lespíur, ungt fólk

 

Eiga laun leikskólakennara að vera hærri?

Ég er gísl

vonandi getur eitthver bjargað mér !!!

Ég er gísl um helgina vegna þess að unglingurinn fékk eðalslyddujeppan lánaðan í smá ferðalag og eftir skilur hann okkur (foreldrana) með BMW boðun í skoðun og POLO sem er svo stirður í gírunum að ef maður nemur staðar þá tekur góðan tíma að koma honum aftur í fyrsta gír.

Þannig ef þið verðið vör við konu á "bleikum" POLO þá er hún gísl sem bjarga verður samstundis (ekki verra ef það væru vaskir myndarlegir sérsveitarmenn)

 

Gíslabjörgun á Keflavíkurflugvelli

810 vs 270

810 er bloggið mitt og einhverjir velta því fyrir sér af hverju 810??

Jú 810 er póstnúmerið í Hveragerði, verahvergi eins og unglingarnir kalla það og úrígúrí segja útlendingarnir.

Það eru rúm 18 ár (ok æm getting old) síðan ég flutti í Hveragerði ég var nú ekkert ofsalega hrifinn eftir minn fyrsta vetur og ætlaði nú ekki að búa út á LANDI mjög lengi.En svo kemur sumar eftir vetur svo fer maður að kynnast fólkinu betur og bæjarlífinu  það voru á milli 1.000 og 1.200 íbúar þá en í dag erum við yfir 2000.

Í dag elska ég Hveragerði og myndi helst ekki vilja búa annarstaðar smá kaldhæðni finnst sumum þar sem gamla sveitin mín er 20 ára um þessar mundir  en það er margt líkt með þessum tveimur bæjarfélögum  Heilsuhælið = Reykjalundur, garðyrkjustöðvar (reyndar á undanhaldi í báðum) heita vatnið osv. og við Mosfellingar sem hér búa erum sammála því að Hveragerð í dag er svipaður Mosó þegar við ólumst upp þar.

En svona gertist þetta, fyrst þykir manni vænt um fólkið svo göturnar, síðan umhverfið og þegar manni þykir orðið vænt um kirkjuna skólann og sundlaugina (þá bestu á landinu) er ekki aftur snúið Þú gengur um bæinn og allstaðar mætir þér bros fólk spjallar og býður góðan dag þetta er hið daglega líf.

Fólk tekur þátt í gleði þinni og sorg, oft er gott að allir viti allt um alla því stundum nægir þögnin ein.

Í dag er ég orðin Hvergerðingur og býð nýja íbúa velkomna í bæinn minn  

Börnin mín eru og verða Hvergerðingar og ég er stolt af því

Jafnframt óska ég Mosó til hamingju með afmælið og vonandi verður jafn gaman hjá þeim "í túninu heima " (þar sem mín voru Helgafellstúnin) og hjá mér á "Blómstrandi dögum"

Hönnun og snið er ekki það sama

Ég er aðdáandi íslenskrar hönnunar  og sér í lagi allt sem er úr ull og  fatnaði en hún er oft svo dýr að fyrir meðalmanneskju eins og mig er það bara ekki í boði fyrir pyngjuna. En ég var svo heppin fyrir nokkrum árum að eignast færeyska hönnun  sem er alveg jafnklassískt og sú íslenska  alveg frábær ullarpeysa eftir konu sem heitir Sirri.

 

Þeir sem mig þekkja vita að fötin mín eru yfirleitt þeim eiginleikum gædd að vera þægileg  og ég elska náttföt

Um daginn fór ég svo í búð í Reykjavík sem selur náttföt eftir íslenskan hönnuð ummm og þau voru á útsölu  Svo ég var ekkert að drolla við þetta og keypti mér þessu fínu náttföt án þess að máta  Bíddu hver mátar náttföt 

Ég hefði betur mátað þau  Sniðið er bara ekki að gera sig fyrir það fyrsta þá ná buxurnar alveg upp að brjóstum og ekki er gert ráð fyrir að ég sé með rass  hlýrabolurinn sem er í stíl er ekki skömminni skárri  Hlýrarnir eru svo langir að þegar ég er komin í bolinn koma brjóstin á mér upp úr honum  og ég sem státa nú ekki af stórum brjóstum