Hverafuglar í Fríðrikskirkjuni

Hvergerðingar eru á ferð og flugi þessa dagana  

Íslendska kórið, Hverafuglar, sum er mannað av pensionistum, verður at hoyra í Fríðrikskirkjuni týskvøldið saman við kirkjukórinum í Fríðrikskirkjuni

Íslendski býurin, Hveragerði, er vinarbýur hjá Nes kommunu, og fyri einum ári síðani var Kirkjukórið í Fríðrikskirkjuni á konsertferð í Hveragerði.

Nú er eitt kór úr Hveragerði so komi á vitjan á Toftum. Kórið, sum kallast Hverafuglar, er mannað við pensionistum í Íslandi, og tað fer at hava konsert í Fríðrikskirkjuni týskvøldið.

Konsertin byrjar kl. 20, og luttakarar verða Hverafuglar og Kirkjukórið í Fríðrikskirkjuni á Toftum. Ferðaleiðarin hjá íslendkska kórinum, David Samuelsson, sum er hálvur føroyingur, fer eisini at luttaka við solosangi.

Hverafuglar fara at syngja lættar íslendskar vársangir, meðan Kirkjukórið fer at syngja løg eftir Hans Jacob Højgaard.