Sagan endalausa

með þessa blessuðu götu sem ég bý við  Þið eruð eflaust búin að fá nóg af rausinu í mér um framkvæmdirnar sem hér standa yfir (þessar endalausu) Er svo örg að ég hef ekki einu sinni tímt að splæsa mynd úr fínu bleiku vélinni, hvað þá meira

Nú undanfarnar þrjár vikur fer allt vatn af á virku dögunum  og er þetta að fara með blöndunartækinn á heimilinu (sko myndi kannski halda mér á mottunni ef þeir sem stjórna þessu bæjarfélagi hefðu nú haft fyrir því að senda okkur íbúunum nokkrar línur og upplýsa okkur um það að búast mætti við vatnsleysi og röskun á meðan framkvæmdum stendur NEI EKKI EITT ORÐ)

Í fyrradag gerði það svo útslagið að þegar vatnið kom á aftur var það í dropatali  og svoleiðis er það ennþá  Þrátt fyrir að við séum búin að tala bæði við kóng og prest, er ekkert gert. Ég lét renna í bað í gær og tók það 1 klukkutíma og 10 mínútur  og það var langt frá því að vera fullt hvað þá heitt

Klaufdýrið fór svo í sturtu í morgun  Svei mér ef hann er þar ekki ennþá að klára skola sápuna af sér

Athugasemdir

[Hulda Bergrós Stefánsdóttir, 28.2.2008 kl. 16:56]

Viti menn ég skrúfaði frá krananum áðan OG ÞAÐ KOM VATN ÚR HONUM

[Ásthildur Cesil Þórðardóttir, 28.2.2008 kl. 17:48]

Um að gera að kvarta yfir þessu og rausa yfir okkur líka Hulda mín, þetta er bara rosalegur dónaskapur.  Að láta ekki einu sinni vita.

[Soffía Valdimarsdóttir (IP-tala skráð) 28.2.2008 kl. 20:59]

Nei þetta er ekkert röfl i þér Hulda! Það er bara sjálfsögð tillitsemi að láta vita

[Ásta Lóa (IP-tala skráð) 1.3.2008 kl. 01:49]

Mér finnst þetta nú heldur mikill dónaskapur, það er lámarkið að senda miða inn um lúgurnar og láta fólk vita að það standa yfir framkvæmdir sem ná aðeins lengra enn  bara í götunni sjálfri.

Annars hafðu það sem allra best......