Lukkunar pamfíll

þeir sem okkur þekkja vita að ég hef fengið ófá skilaboð í gegnum tíðina að koma á slysvarðastofuna eða það þurfi að fara á slysvarðstofuna með klaufdýrið eða rafvirkjann.

Í tvö skipti hef ég orðið skelfingu lostinn, þegar skilaboðin hafa borist mér, í fyrra skiptið þegar ég fékk skilaboð um að strákarnir mínir allir væru á slysó eftir að bíllin hafði oltið og seinna skiptið þegar kveiknaði í hjá hjálparsveitinni, vitandi að klaufdýrið mitt var þar inni.

Ég var því pollróleg í dag þegar hringt var í mig úr skólanum og mér sagt að gulldrengurinn minn hefði dottið. Reyndar er mér sagt að það sé búið að hringja á sjúkrabíl.

Þegar ég kem svo niður í skóla liggur hann á jörðinni, tveir kennarar hjá honum og hann með allar yfirbreiðslur sem fundust í skólanum ofan á sér, svo honum yrði ekki kalt. Gat sig ekki hreyft.

Mömmuhjartað mitt tók svakalegan kipp þar sem ég sá strákinn minn, hugsanir sem þutu í gegnum huga minn, var þetta alvarlegt, mjög alvarlegt, skyldi hann, þessi mikli íþróttaálfur geta gengið í framtíðinni eða var þetta vendipunkturinn, það er akkurat svona sem hlutirnir gerast.

Sjúkrabíllin kom og með honum frábærir sjúkraflutningsmenn, við fórum á Sjúkrahúsið á Selfossi og þar voru myndir teknar af bakinu hans og guð sé lof hann var bara tognaður.

Veit ekki hvaða lukkudufti er stráð yfir okkur en ég er mjög þakklát fyrir það

þessi viðeigandi það er í lagi með mig

Athugasemdir

[Heimir Eyvindarson, 28.10.2008 kl. 21:14]

Bestu kveðjur í bæinn  

[JEG, 28.10.2008 kl. 21:21]

Ææjjjj ég vona að það sé ekki slæmt þó hann hafi tognað.  Það getur verið lúmskt.  Innileg kveðja úr sveitinni og passaður nú vel að hann fari varlega því það er betra að vera aðeins lengur og jafna sig heldur en of fljótur og eiga lengur í tjóni. 

Knús og klemm á ykkur kæra famelý.

[Eygló og co (IP-tala skráð) 29.10.2008 kl. 09:27]

Bestu kveðjur í bæinn - vona að drengurinn nái að HVÍLA sig í bakinu, þó það sé örugglega ekki á dagskránni nú þegar snjórinn lætur sjá sig.

 Knús á mannskapinn allann

[Soffía Valdimarsdóttir, 29.10.2008 kl. 11:50]

Já það er svo margt sem við getum þakkað fyrir - einn koss á bágtið frá mér..........

[Hulda Katla (IP-tala skráð) 29.10.2008 kl. 14:55]

Sem betur fer fór þetta betur en á horfðist. Vona að hann nái sér fljótt og að þetta fari vel.

[Katrín Snæhólm Baldursdóttir, 30.10.2008 kl. 14:44]

Æ æææ...gott að þetta var ekki alvarlegra. Knúsaðu frændann frá okkur öllum hér í Vesturbænum og skilaðu bataóskum til hans. Úff.það er svo hræðilegt þegar maður veit ekki hvernig ástandið raunverulega er þegar börnin manns meiða sig.

kærleikskveðjur 

[Högni Jóhann Sigurjónsson, 31.10.2008 kl. 19:42]

[Ásta Lóa (IP-tala skráð) 2.11.2008 kl. 01:59]

Æ enn gott að ekki fór verr....slembilukka yfir gulldrengnum.

[Vilborg, 3.11.2008 kl. 00:40]

Gott að ekki fór verr!  En þetta er skelfileg tilfinning

KNÚS til ykkar allra