Fagurgalahjal í hverju horni

Nú er kosningabaráttan hafin og allir keppast um eitthvað fagurgalahjal enn eina ferðina.

Enn eina ferðina á að bjóða okkur upp á sömu helvítis fokking loforðin, sem fyrnast á kosninganótt, almenningur ÆTLAR að glepja við þessu eina ferðina enn.

HVAÐ ER AÐ OKKUR almenningur búin að heimta breytingar, en erum ekki nokkru skárri en frambjóðendur, trúum þessu einu sinni enn.........

Eina vitið sem ég hef séð fram þessu er Borgarahreyfingin afskaplega einfalt við stöndum frammi fyrir vandamáli, það bera að leysa með því að snúa bökum saman ?????

Hef kosið ýmislegt um ævina allt frá Flokki Mannsins til Sjálfstæðisflokks allt þar á milli, já já hlægið þið bara ég hef nefnilega staðið í þeirri trú að atkvæði mitt skipti svo miklu máli !!!!

Það sem að alþingi átti að gera strax í haust var að snúa bökum saman og leysa vandamálin, en NEI þar er engin heilbrigð skynsemi, menn endalaust að ota sínum tota og hafa mestar áhyggjur af hver ráði.

Get ekki séð að þetta sé að breytast þrátt fyrir kosningar mitt atkvæði verður að öllum líkindum AUTT

Neyðin kennir naktri konu.......

Skil ekki af hverju við förum bara ekki í útflutning, hér eru fullkomnar verksmiðjur og í Hollandi er þetta löglegt, þjóðin á vonarvöl.

Fullt af fólki fengi vinnu svo ég tali ekki um gjaldeyristekjurnar.....

 

Stórfelld kannabisræktun stöðvuð

Á skíðum skemmti ég mér ...........

Sú gamla dustaði rykið af skíðunum sínum og fór í Bláfjöll í gær með Tollaranum hennar Slembru vinkonu. Hann hafði farið með gulldrenginn og sinn snemma í gærmorgun, kom svo heim að skila dóttlunni sem var útkeyrð og ákvað að fara aftur, þar sem það var opið til tíu í gærkvöldi grunaði okkur að drengirnir væru ekki tilbúnir að koma heim. Svo ég skellti mér með og var á skíðum til að ganga hálf níu í gærkvöldi í geðveiku veðri og frábæru færi

Ástæða þess að opið var svo lengi var að haldin var fjölskylduskemmtun sem var fjáröflun um leið fyrir Breið Bros (samtök holgóma barna)

En ég fór að hugsa þegar ég sá öll þessi flottu ungmenni þarna uppfrá á laugardagskvöldi að skemmta sér. Af hverju er ekki opið á föstudags og laugardagskvöldum, þegar veður leyfir, svona til miðnættis????  Svo er líka sjarmerandi að renna sér í flóðljósunum

Hvað er heilbrigðara hjá ungu fólki en að vera uppi á fjalli í góðum félagsskap, heldur en að hanga kannski niðrí bæ.

Þetta eru nú ekki svo margir mánuðir á ári sem hægt er að renna sér.

Sé gulldrenginn alveg fyrir mér fara frekar þangað en t.d. í bíó.

Ég hvet ÍTR til að skoða þennan möguleika.

En annars var klaufdýrið alla síðustu viku á Dalvík, já hann fór í skíðaferðalag með elsta stigi á Reykólum. Það gekk áfallalaust hjá honum  

Í dag

2. mars er þessi töffari 13 ára, sem sagt gulldrengurinn minn er orðin táningur

Við erum hér

öll,meira að segja, því að klaufdýrið og kærastan eru hér um helgina.

Gulldrengurinn fékk slæma flensu sem hann er búin að kljást við alla vikuna, hresstist skyndilega á fimmtudagskvöld við þau tíðindi að von væri á stóra bróður. En hann er heldur fúll því að það er ekki mikill tími á einni helgi sem skapast til samveru með stóra bróður. Hann stakk reyndar upp á því um daginn hvort hann gæti ekki fengið hund eða kött í staðin fyrir bróður sinn, sem er fluttur að heiman hvort sem er !!!!!!!!!!!!!!!!!!!

En hann fór í skólann á föstudag og kom með þau tíðindi heim að hann hefði verið sprautaður fyrir svarthettu og rauðum úlfum !!!!!!!!!!!!!!!

Æ eða einhverri hettu og einhverju rauðu, eða það var það sem hann lagði á minnið.

Annars er klaufdýrið mitt á fullu með æskulýðsstarf í nafla alheimsins á Reykhólum og á mánudag er hann svo heppin að vera fara í skíðaferð til Dalvíkur, þarf að koma mér í svona vinnu

Ég var reyndar á Landspítalanum á föstudaginn, vinustaðaheimsókn fyrir verðandi heilbrigðisritara og það var mjög athyglisvert og gaman  fyrir utan paranojuna sem ég fékk áður

Það er sem sagt skyldumæting í þessar heimsóknir, sem eru þrjár eða fjórar á hina ýmsu staði. Ég á það til að vera svo illa klikkuð að ég var viss um að ég yrði orðin veik af þessari pest sem gulldrengurinn var með. Á föstudagsmorgunin þá vakna ég stálslegin hjúkk ekki veik, í staðin var veðrið ekkert sérstakt og ég fór að sjá fyrir mér allar mögulegar afleiðingar sem geta fylgt því að aka Rússneskasuðurlandsveginn og að það myndi akkurat eitthvað koma fyrir mig þennan dag, en svo fór ég af stað og hugsaði þá mæti ég bara í versta falli í sjúkrabíl !!!! ekki í lagi með konur á miðjum aldri stundum, auðvitað ók ég bara skynsamlega eins og allir sem voru á heiðinni á föstudagsmorgun og kom heil heim.

 

Öll höfum við verið lítil

líka ég, var einu sinni afskaplega saklaus

hér er ég brjálaður rauðhaus, get mér til að ég hafi ekkert verið spennt að fara sofa

þarna er ég aðeins eldri og sennilega hagað mér vel því ég fékk að fara á jólaball

Ég er svo heppin að eiga eldri systir, sem vildi greinilega vera eins og litla systir

(nota bene takið eftir hansahillunum)

á þessari höfum við vinkonurnar kynnst andlitsfarða, en ekki verið vissar hvernig ætti að nota hann !!!

Hugmyndin mín

Fékk tölvupóst og tel mig knúna til að útskýra mína þjóðbúningahugmynd.

Hún vaknaði dag einn í janúar þegar ég fór til mömmu, í fórum sínum hafði hún upphlut sem hún hafði saumað á mig árið 1974. Þó svo að ég eigi ekki dóttir, þá heldur hún mamma að það sé möguleiki á því, seinna (miklu seinna) að ég eignist sonardóttir og vildi endilega láta mig hafa þjóðbúningin minn.

Hann lítur svona út

Vildi svo vel til að skotthúfan var prjónuð á fullorðinshöfuð, þannig hún passar mér.

Vinnan ákvað svo að halda þjóðlegt þorrablót, svo ég fór að leggja höfuð mitt í bleyti og sá að á þeim stutta tíma sem ég hefði tækist mér ekki að sauma á mig sjálfa upphlut.

Fyrir það fyrsta kann ég það ekki og það sem mér fannst sorglegast er að það þarf að fara á nokkur námskeið til þess að það sé hægt. Ekki nógu aðgengilegt því miður.

Þannig ég ákvað, með skotthúfuna í höndunum að gera eitthvað sem væri með þjóðlegu ívafi og passaði skotthúfunni minni.

Lengi hef ég haft augastað á tilbrigðin við færeyeska búningin, sem lítur svona út

Úr varð, að því ég kann að prjóna, þessi hérna, sem er kannski meira skyld þeim færeyska en þeim íslenska, en þjóðleg var ég og þetta passaði skotthúfu minni og var ég bara nokkuð montin af sjálfri mér og glöð fyrir þá aðstoð sem ég fékk

Hún kannski sést betur hér

Gott að búa í Hveragerði

já tölur segja okkur að Hveragerði sé fimmti besti staðurinn á Íslandi til að búa á heyr heyr, fagna því og er sammála hér er gott að búa.

Besti skólinn á landinu og tók nýverið upp á að bjóða börnunum upp á frían hafragraut á morgnana, sem gulldrengurinn kemur til með að nýta sér á miðvikudagsmorgnum, eftir morgunæfingu. Hina dagana er hann svo heppinn að mamma hans sér um grautinn

Við vorum akkurat í skólanum seinnipartinn í dag, á árshátíð miðstigs, sem var hreint frábær í alla staði, þau eru yndisleg þessi börn  Gulldrengurinn tók að sjálfsögðu þátt og kynnti geisladisk hljómsveitarinnar í RAUÐUM FÖTUM.

Hann var búin að segja okkur að í kjallara skólans hefðu þeir fundið eldgamla rauða jakka sem þeir félagar ætluðu að klæðast.

Okkur brá þegar við þeir komu fram á sviðið og eiginlega skellhlógum

þetta voru gömlu lúðrasveitabúningarnir sem rafvirkinn klæddist þegar lúðrasveitin fór til Færeyja 1988

 

Bloggleysi

Hér má sjá ástæðu bloggleysis á bænum...................þetta er handverk og hugvit nokkra kvenna, í gegnum síma og internet

En annaðkvöld erum við að fara á þjóðlegt þorrablót og vona ég að þetta sé eitthvað í þá áttina

En góða helgi

Á síðustu

og verstu tímum eða á meðan ný stjórn hefur verið að myndast höfum við í Klettahlíðinni verið að dunda eitt og annað.

Gulldrengurinn er nánast komin með annað lögheimili í Bláfjöll, rafvirkinn er búin að púsla og ég sem ekki kemst á þjóðbúninganámskeið (upppantað, biðlisti) hef verið með eitthvað á prjónunum sem .................................... kemur í ljós!!!

En veðrið hefur verið yndislegt síðustu viku nánast svona upp á hvern dag

Klaufdýrið mitt hefur grátið snjóinn á suðurlandi en fékk snjóinn sinn í gær, sem varð til þess að hann frestaði komu sinni um þessa helgi og lætur ekki sjá sig fyrr en um miðjan febrúar. Það er snjósleðinn sem gengur fyrir en ekki mamma

En í morgun mátti ég kúra aðeins lengur, átti að mæta í skólann, svo ég sparkaði rafvirkjaræflinum fram úr þegar klukkan hringdi og hann dröslaðist út með gulldrenginn, þeir voru varla farnir þegar ég heyrði í þeim hérna inni aftur........................ég stökk fram úr og spurði hvort ekki væri allt í lagi..

Jú klukkan er bara 10 mínútur í sjö

Kom vel á vondann, þar sem rafvirkinn hafði verið að vesenast í rafmagninu hér í gær með þeim afleiðingum að það sló út og gerði það að verkum að ég stillti verkjaraklukkuna klukkutíma of fljóta, en enginn er verri þó að hann vakni snemma