810 vs 270

810 er bloggið mitt og einhverjir velta því fyrir sér af hverju 810??

Jú 810 er póstnúmerið í Hveragerði, verahvergi eins og unglingarnir kalla það og úrígúrí segja útlendingarnir.

Það eru rúm 18 ár (ok æm getting old) síðan ég flutti í Hveragerði ég var nú ekkert ofsalega hrifinn eftir minn fyrsta vetur og ætlaði nú ekki að búa út á LANDI mjög lengi.En svo kemur sumar eftir vetur svo fer maður að kynnast fólkinu betur og bæjarlífinu  það voru á milli 1.000 og 1.200 íbúar þá en í dag erum við yfir 2000.

Í dag elska ég Hveragerði og myndi helst ekki vilja búa annarstaðar smá kaldhæðni finnst sumum þar sem gamla sveitin mín er 20 ára um þessar mundir  en það er margt líkt með þessum tveimur bæjarfélögum  Heilsuhælið = Reykjalundur, garðyrkjustöðvar (reyndar á undanhaldi í báðum) heita vatnið osv. og við Mosfellingar sem hér búa erum sammála því að Hveragerð í dag er svipaður Mosó þegar við ólumst upp þar.

En svona gertist þetta, fyrst þykir manni vænt um fólkið svo göturnar, síðan umhverfið og þegar manni þykir orðið vænt um kirkjuna skólann og sundlaugina (þá bestu á landinu) er ekki aftur snúið Þú gengur um bæinn og allstaðar mætir þér bros fólk spjallar og býður góðan dag þetta er hið daglega líf.

Fólk tekur þátt í gleði þinni og sorg, oft er gott að allir viti allt um alla því stundum nægir þögnin ein.

Í dag er ég orðin Hvergerðingur og býð nýja íbúa velkomna í bæinn minn  

Börnin mín eru og verða Hvergerðingar og ég er stolt af því

Jafnframt óska ég Mosó til hamingju með afmælið og vonandi verður jafn gaman hjá þeim "í túninu heima " (þar sem mín voru Helgafellstúnin) og hjá mér á "Blómstrandi dögum"

Hönnun og snið er ekki það sama

Ég er aðdáandi íslenskrar hönnunar  og sér í lagi allt sem er úr ull og  fatnaði en hún er oft svo dýr að fyrir meðalmanneskju eins og mig er það bara ekki í boði fyrir pyngjuna. En ég var svo heppin fyrir nokkrum árum að eignast færeyska hönnun  sem er alveg jafnklassískt og sú íslenska  alveg frábær ullarpeysa eftir konu sem heitir Sirri.

 

Þeir sem mig þekkja vita að fötin mín eru yfirleitt þeim eiginleikum gædd að vera þægileg  og ég elska náttföt

Um daginn fór ég svo í búð í Reykjavík sem selur náttföt eftir íslenskan hönnuð ummm og þau voru á útsölu  Svo ég var ekkert að drolla við þetta og keypti mér þessu fínu náttföt án þess að máta  Bíddu hver mátar náttföt 

Ég hefði betur mátað þau  Sniðið er bara ekki að gera sig fyrir það fyrsta þá ná buxurnar alveg upp að brjóstum og ekki er gert ráð fyrir að ég sé með rass  hlýrabolurinn sem er í stíl er ekki skömminni skárri  Hlýrarnir eru svo langir að þegar ég er komin í bolinn koma brjóstin á mér upp úr honum  og ég sem státa nú ekki af stórum brjóstum 

Þegar eitthvað fer úrskeiðis

Þegar eitthvað fer úrskeiðis eins og stundum gerist,
þegar vegurinn sem þú ferð eftir virðist allur upp á móti,
þegar afraksturinn er lítill en væntingarnar miklar,
þegar þig langar að brosa en neyðist til að andvarpa,
þegar áhyggjurnar verða þrúgandi,
þá hvíldu þig en gefstu ekki upp!

Nýyrði

Ég sé að bloggarar á moggabloggi eru duglegir að finna nýyrði á okkar ástkæra ylhýra tungumáli. Þetta voru ég og SLEMBRA vinkona mín einmitt að ræða um daginn.

Orðin sem okkur finnast ekki mjög falleg á íslensku eru geisladiskur og dvd diskur. Ég fór að segja henni hvaða orð frændur okkar Færeyingar nota. Orðið "flöga" (borið fram flöva) sem segir að hluturinn sé fisléttur.

Þá komu þessi snilldarorð hjá okkur "TÓNFLUGA" OG "MYNDFLUGA" hljóma betur og eru mun fallegri í framburði en geisladiskur.

Þessi frétt

skýrir kannski undarlegt háttarlag hjá fuglunum í Hveragerði !!!

Það var bara í fyrrakvöld að hér fyrir utan á  ómalbikaðri Klettahlíðinni vorum við grannarnir komnir til að fylgjast með undarlegu háttarlagi fuglanna. Konan á móti taldi að það væri eldgos í þeim en sá sem býr við hliðinna á mér hélt að það væri bara smáskjálfti í þeim !!!!!

Ég fór aftur inn eins og hver önnur Pollýanna og vona enn það besta

Almannavarnir í viðbragðsstöðu vegna hugsanlegra eldsumbrota við Upptyppinga

Vonandi

endar mín móðurást ekki svona !!!!!!!!!!!!!!!!!!!!!!!!!!!!!!

Mömmustrákur á sjötugsaldri komst í klandur

Allt að fara yfir um

á heimilinu   sérstaklega hjá mér  taugaveiklunin er að drepa mig og ég er að fara yfir um af SMÁATRIÐUM  pabbin er heldur rólegri og treystir á sinn STÓRA mann 

Svo verður þú að muna eftir þessu  og þú mátt ekki gera svona  heldur hinsegin

Já það er ekki tekið út með sældinni að senda gulldrenginn út í heim  Mikið lagt á ungan mann

hann amma Tóta og heimasætan á Reykhólum eru að leggja land undir fót og ætla að heimsækja fjölskylduna í Englandi og vera í heila 10 daga  Mikið ævintýri í vændum hjá þeim  En mömmurnar í þessu tilviki verða eflaust svefnlausar í nótt ekki af spenningi eins og börnin heldur af stressi 

Öll huggunarorð eru vel þegin

P.S. Veit að það væsir ekki um þau í Englandinu þrátt fyrir regn það er bara ferðalagið þangað sem er að fara með mig

Launaleynd hvað !!!!!!

Er ekki endalaust verið að tala um launaleynd !!!!

Ég sé ekki betur en að Pétur og Páll geti séð hvað Jón og séra Jón eru með í laun !!!!!!

Er álagning einkamál?

Vonandi eru stórir steinar í lífi þínu !!!!

Ég ætla ekki að tjá mig um atburði helgarinnar , en það eiga margir um sárt að binda eftir banaslys og harmleik. Það vill oft gleymast að baki hverjum einstakling er heil fjölskylda og hersing af vinum svo í dag vil ég minna ykkur öll á söguna um STÓRU STEINANNA :

Dag einn var sérfræðingur í tímaskipulagningu að tala fyrir framan hóp viðskiptafræðinema. Til að koma merkingunni almennilega til skila notaði hann sýnikennslu sem nemendurnir gleyma aldrei. 
Þar sem hann stóð fyrir framan þennan hóp af metnaðarfullu fólki sagði hann: ,,Jæja, þá skulum við hafa próf." Hann tók upp 5 lítra krukku með stóru víðu opi og setti hana á borðið fyrir framan sig. Svo tók hann um það bil 10 hnefastóra steina og varfærnislega kom hann þeim fyrir í krukkunni, einum af öðrum. Þegar krukkan var full og ekki hægt að koma fleiri steinum í hana spurði hann: "Er krukkan full?" Allir í bekknum svöruðu já. "Jæja" sagði hann. Hann teygði sig undir borðið og tók upp fötu með möl. Því næst sturtaði hann smá möl í krukkuna og hristi hana um leið, sem orsakaði það að mölin komst niður í holrúmin á milli stóru steinanna. Svo spurði hann hópinn aftur: "Er krukkan full?" Í þetta sinn grunaði nemana hvað hann var að fara. "Sennilega ekki" svaraði einn þeirra. "Gott!" svaraði sérfræðingurinn. Hann teygði sig undir borðið og tók upp fötu af sandi. Hann hellti úr henni í krukkuna og sandurinn rann í öll holrýmin sem eftir voru milli malarinnar og stóru steinanna. Enn spurði hann: "Er krukkan full?" "Nei!" æptu nemendurnir. Aftur svaraði hann. 
"Gott!" Hann tók því næst könnu af vatni og hellti í krukkuna þar til hún var alveg full. Svo leit hann á bekkinn og spurði. "Hver er tilgangur þessarar sýnikennslu?" Einn uppveðraður nemandinn rétti upp höndina og sagði: "Tilgangurinn er að sýna að það er sama hversu full dagskráin hjá þér er. Ef þú virkilega reynir geturðu alltaf bætt fleiri hlutum við!" "Nei" svaraði sérfræðingurinn. "Það er ekki það sem þetta snýst um. Sannleikurinn sem þetta dæmi kennir okkur er þessi: Ef þú setur ekki stóru steinana í fyrst, þá kemurðu þeim aldrei fyrir." Hverjir eru stóru steinarnir í þínu lífi? Börnin þín? Fólkið sem þú elskar? Menntun þín? Draumarnir þínir? Verðugt málefni? Að kenna eða leiðbeina öðrum? Gera það sem þér þykir skemmtilegt? Tími fyrir sjálfa(n) þig? Heilsa þín? Maki þinn?  
Mundu að setja STÓRU STEINANA í fyrst eða þú munt aldrei koma þeim fyrir. Ef þú veltir þér upp úr litlu hlutunum (mölin, sandurinn, vatnið) fyllirðu líf þitt með litlum hlutum sem skipta í raun ekki máli og þú munt aldrei hafa þann tíma sem þú þarft til að eyða í stóru mikilvægu hlutina í þínu lífi (stóru steinarnir). 
Sem sagt, í kvöld eða í fyrramálið þegar þú hugsar um þessa stuttu sögu, spurðu sjálfa(n) þig þá þessarar spurningar: "Hverjir eru stóru steinarnir í mínu lífi?" Settu þá svo fyrst í krukkuna!

Pabbi hans Jóns

á þrjá syni

þeir heita

Rip

Rap

og